N'es épuka di Páskua, menbrus di Igreja di Jezus Kristu di Santus di Últimus Dias é enkorajadu pa konvida amigus, familiaris y vizinhus pa un runion di adorason di un óra na Dumingu di Ramus, na ses kapela lokal, na dia 29 di Marsu di 2026. Na simana siginti (4 - 5 di Abril), tudu algen sta konvidadu pa sisti Konferénsia Jeral pa selebra Páskua y Resurreison di Jezus Kristu.
Konviti ta ben na fin di un vídiu na undi kada menbru di Primera Prizidénsia ta partilla un tistimunhu kurtu di Jezus Kristu y di Si amor pa nos. Video y ses tistimunhu sta li dibaxu.
Prizidenti D. Todd Christofferson
"Nos Pai Celestial ta ama-nu perfeitamenti Pamodi es amor, E 'da si Fidju unijénitu pa ki ... [nu podi] ten vida iternu.' A midida ki nu ta konsentra duranti es épuka di Páskua na vida, ministériu y Resureison di Jezus Kristu, nu lembra ma El é nos Advogadu y Redentor perfeitu. Pamodi Si sakrifísiu spiatóriu, nu podi sprumenta imortalidadi y vida iternu na futuru, y tanbé Si amor, pás y alegria gosi."
Prizidenti Henry B. Eyring
“Jezus Kristu kebra korentis di morti. Komu rizultadu, tudu fidju di Pai Selestial ta labanta otu bés na un korpu perfeitu y risusitadu ki nunka más ka ta mori. Es promesa suguru podi transforma dor di perdi un enti kiridu en speransa, y intxi nos korason ku un alegri spetativa di rienkontru. Pamodi Si sakrifisiu, nos tudu ta risusita y nu podi ser purifikadu na El."
Prizidenti Dallin H. Oaks
"N'es Épuka di Páskua, nu ta testifika ma Jezus Kristu risusita. E ta vivi. El é kaminhu. Sakrifísiu spiatóriu y Resurreison di Jezus Kristu é prova supremu di amor di Deus. E txoma-nu di Ses amigu y E diklara: ‘Ningén ka ten amor más grandi ki kel-li, ki algén da si vida pa ses amigu.’ Si Spiason é un don universal ki torna pusível pamodi Si amor y amor di Pai."