Prumeru Prizidênsia ta konvida tudu algen pa Konferênsia Jeral di Outubru

Prumera Prizidênsia “ta konvida tudu algen pa djunta pa obi palavras di Deus duranti 196° Konferênsia Jeral Simi-anual di Igreja di Jezus Kristu di Santus di Ultimus Dias,” di akordu ku karta di Kinta-fera, 3 di Sitenbru di 2026, na 54 línguas.

"Konferênsia jeral ta oferesi un oportunidadi pa risebi rivelason psoal inkuantu líderis ta da konsedju y orientason di Sinhor. Nu ta insentiva tudu algen pa obi, studa, pensa, y aplika konsedju ki ta dadu". —Prumeru Prizidênsia

Líderis Jeral di Igreja fla, "Konferênsia jeral ta oferesi un oportunidadi pa risebi rivelason psoal inkuantu líderis ta da konsedju y orientason di Sinhor. Nu ta insentiva tudu algen pa obi, studa, pensa, y aplika konsedju ki ta dadu."

Kuzê kê Konferênsia Jeral?

“Ivanjelhu di Jezus Kristu ta inxina ma El ta vivi y ki Deus ta ama, ta obi y ta fala ku Sês fidjus,” sima ta fla na anúnsiu di konferênsia jeral na site ChurchofJesusChrist.org. "Sê orientason personalizadu y inspirason podi xintidu através di konsedju di prufetas vivu, apóstulos y líderis di Igreja di Jezus Kristu di Santus di Últimus Dias."

Konferênsia Jeral ta kontisi dós bes pa anu (Abril ku Outubru) komu un inkontru global, undi menbrus di Igreja di tudu parti di mundu ta tra tenpu pa prendi ivanjelhu di Jezus Kristu ku líderis di Igreja. Konferênsia ta difundidu y transmitidu en diretu na mas di 80 línguas, y ta pirmiti psoas na kualker lugar pa ten asesu na inkontrus grandi ku pikinoti y na kazas ku anbienti di família.  Na fins di simana ki ta kontisi Konferênsia jeral, ka ta ten sirvisus regular di Dumingu na kapelas di Igreja.

Prósimu transmison global, ki ta kontisi di sais en sais mes, apartir di Sentru di Konferensia na Salt Lake City, Utah, ta ben konsisti na kuatu sesons úniku di 2-ora duranti dós dia.

Sábadu, 3 di Outubru
Seson di sedu: 15:00 ti 17:00
Seson di tardi: 19:00 ti 21:00

Dumingu, 4 di Outubru
Seson di sedu: 15:00 ti 17:00
Seson di tardi: 19:00 ti 21:00

Modi ki N podi Odja y Obi en Diretu?

Tudu seson di konferênsia ta transmitidu en diretu na pájina di transmison di ChurchofJesusChrist.org y na Biblioteka di Ivanjelhu na 80 línguas, kanal di YouTube di Konferênsia Jeral na 14 línguas, y na otus kanal di radio, tilivizon, satéliti y kanal digital.

Modi ki N podi pripara?

Antis di iventu, bu podi kre pripara purguntas spesífiku.  Nton, duranti konferênsia, obi pa palavras spesífiku ki ta papia pa bu alma. Bu rilasionamentu ku Deus ta fortifika oras ki bu ta xinti ma bus orasons y bus purguntas sta ser obidu y rispondidu.​

Modi ki N podi Odja ô Obi dipós?

Dipós di transmison, mensajens ta sta disponível na formatu di testu, áudiu y vídiu na kes tudu kanal, na más di 98 línguas, pa vizualizason y studu konformi pididu. Kes kanal ta inklui Biblioteka di Ivanjelhu, Biblioteka di Mídia, kanal diYouTube di Konferênsia Jeral y Rivistas di Igreja.

Modi ki N podi sisti Seson na Salt Lake City?

Si bu ta mora na Stadus Unidus ô Kanada, purgunta líder lokal di bu ala ô ramu sobri modi ki bu podi konsigi bilheti pa sisti seson. Bilhetis ta distribuídu di forma eletróniku pa stakas y distritus. Líderis di staka podi referênsia es gia pa prendi modi ki es ta asesa ses konta y distribui bilhetis pa menbrus di staka. Si bu ta mora fora di Stadus Unidus ô Kanada, pidi bu prizidenti di staka ô distritu pa manda bu pididu di bilheti. Prizidentis podi kumesa ta pidi bilhetis trés mes antis di konferênsia.

Sta atentu pamodi bu bilheti di konferênsia ten dós ladu, un ê pasi di UTA inkuantu bu ta viaja pa y di sesons di konferênsia na Salt Lake City.  Pa lugar di xinta pa spera, poi na fila fora di Tabernákulu 90 minutus antis di seson ki bu kre sisti Djobi Gia di Iventus di Prasa di Tenplu pa mas informason ku ristrisons.

Mas Rikursus di Konferênsia

• Prendi más sobri Igreja
• Kuzê kê konferênsia jeral?
• Pripara pa konferênsia
• Konpartilha konferênsia jeral
• Prendi sobri diskursantis
• Splora sesons di konferênsia jeral ki dja pasa

Prendi modi ki bu ta studa y aplika kuzas ki ta inxinadu na konferênsia jeral